Buka ena ke e ngotse ka mokgwa o balehang ka boiketlo ho tlisa kgatlheho le lerato la ho bala ka puo ya Sesotho malapeng a rona. Ke ntse ke hlokometse le ho tlisa leruo puong, e leng tlotlontswe le thuta puo. Ha o na le mantswe ho tla ba bonolo ho ithuta puo.
Bukana ena ha o ka e kgothalla, mme o tsotella dikateng tsa yona, o ka fumana o fupere lefa la rona leo e sa leng re le sielwa ke baholo ba rona. Hape ke ntse ke neheletsana ka tsebo molokong o mong ho isa ho o mong.
E jwale ka leshalana leo ke ntseng ke le butswe-butswela ho futha mollo wa thahasello ya ho tseba ka ha botjhaba ba rona Basotho.
Hape e ntse e sa phethahala, empa e leka ho re atametsa sefateng seo re hlahang ho sona, re tle re se ke ra ba ditholwana tse welang hole le sefate.